სოფო კილაძე - ჩვენი რეფორმების ჯეროვანი იმპლემენტაციის პროცესში, ადგილობრივი თვითმმართველობების როლი განუზომელია

კომიტეტის მიერ გატარებული რეფორმების ჯეროვანი იმპლემენტაციის პროცესში, ადგილობრივი თვითმმართველობების როლი განუზომელია, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ სოფო კილაძემ მაჟორიტარ დეპუტატ ლევან ბეჟანიძესთან ერთად, ბათუმში გამართულ შეხვედრაზე განაცხადა.

როგორც „ინტერპრესნიუსს“ საქართველოს პარლამენტიდან აცნობეს, შეხვედრას მოსახლეობასთან ერთად ადგილობრივი მთავრობის და თვითმმართველობის წარმომადგენლებიც ესწრებოდნენ. დეპუტატებმა კომიტეტის მიერ გასულ წელს განხორციელებული სოციალური მუშაკის ინსტიტუციური რეფორმის და ოჯახში ძალადობის პრევენციისკენ მიმართული საკანონმდებლო ცვლილებების შესახებ ისაუბრეს.

სოფო კილაძემ თავის გამოსვლაში იმ სიკეთეებზე გაამახვილა ყურადღება, რაც კომიტეტის მიერ გატარებული რეფორმების შედეგად მოსახლეობისთვის ხელმისაწვდომი ხდება.

„ორივე რეფორმით, რომლებიც ჩვენმა კომიტეტმა გასულ წელს განახორციელა, მნიშვნელოვანი როლი და ფუნქციებია დელეგირებული ადგილობრივ თვითმმართველობებზე. მჯერა, რომ ჩვენი რეფორმების ჯეროვანი იმპლემენტაციის პროცესში, ადგილობრივი თვითმმართველობების როლი განუზომელი იქნება", - განაცხადა კომიტეტის თავმჯდომარემ.

რეგიონალურ შეხვედრებს კომიტეტი ეროვნულ დემოკრატიული ინსტიტუტის (NDI) მხარდაჭერითა და ბრიტანეთის მთავრობის UK Aid-ის ფინანსური ხელშეწყობით მართავს.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს