მაკედონია  ოფიციალურად გახდა ჩრდილოეთ მაკედონია

ყოფილი იუგოსლავიის რესპუბლიკა მაკედონია ოფიციალურად გახდა რესპუბლიკა ჩრდილოეთ მაკედონია მას შემდეგ, რაც საკონსტიტუციო ცვლილება ქვეყნის სახელის შეცვლაზე ოფიციალურ მაცნეში გამოქვეყნდა.

აღსანიშნავია, რომ ჯერ კიდევ 11 თებერვალს სახელმწიფო უწყებებზე ქვეყნის ახალი დასახელების აბრების განთავსება დაიწყო.

იუგოსლავიის დაშლის შემდეგ, საბერძნეთსა და მაკედონიას შორის მაკედონიის სახელთან დაკავშირებით დავა არსებობდა. ოფიციალური ათენი ქვეყნის სახელის შეცვლას მოითხოვდა. აღნიშნულის გამო საბერძნეთი მაკედონიის ნატო-ში და ევროკავშირში გაწევრიანებას ბლოკავდა.

აღსანიშნავია, რომ მას შემდეგ, რაც მაკედონიის პარლამენტმა ქვეყნის სახელის შეცვლის შესახებ საკონსტიტუციო ცვლილება დაამტკიცა, ნატო-ს 29 წევრმა სახელმწიფომ ხელი მოაწერა პროტოკოლს აწ უკვე რესპუბლიკა ჩრდილოეთ მაკედონიის ალიანსში გაწევრიანების თაობაზე.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა