ჩვენ გამოვრიცხავთ თანამშრომლობას მასთან, ვინც დანაშაულებრივ რეჟიმად მიგვიჩნევს, - ასე გამოეხმაურა „ევროპული საქართველოს“ წევრი ოთარ კახიძე ეკა ბესელიას განცხადებას, რომლის თანახმად, „ნაციონალურ მოძრაობასთან“ და მის ნარჩენებთან არ ითანამშრომლებს.

მისი თქმით, ქვეყანაში რა ვითარებაც არის შექმნილი, ამ ყველაფერის უკან ბიძინა ივანიშვილი დგას.

„თუ რეალურად პრობლემის დასახელება უნდა, კობახიძესა და ოხანაშვილისკენ კი არ უნდა გაიშვიროს ხელი და მათ კი არ უნდა დააბრალოს ის პრობლემები, რომელიც ქვეყანაში არის შექმნილი, პარტიის თავმჯდომარე, ბიძინა ივანიშვილი დგას ამ ყველაფრის უკან. თუ პოლიტიკოსი ხმას აიმაღლებ, იმის სიმამაცეც უნდა გეყოს, რომ ყველაფერს თავისი სახელი დაარქვა“, - აღნიშნა კახიძემ.