მოლდოვაში საპარლამენტო არჩევნებში ბიულეტენთა 97%-ის დათვლის შემდეგ „სოციალისტების პარტია“ ლიდერობს, რომელიც მხარს უჭერს რუსეთთან ურთიერთობების აღდგენას.
ცენტრალური საარჩევნო კომისიის მონაცემებით, მათ ამომრჩეველთა ხმების 31,41% მიიღეს. მეორე ადგილზე პროევროპული ოპოზიციური ბლოკი Acum არის, რომელმაც ამომრჩეველთა ხმების 26,03% მიიღო, ხოლო 24,03%-ით მესამე ადგილზე მმართველი „დემოკრატიული პარტიაა“. ბიზნესმენი ორგეევ ილან შორის პარტიამ „შორმა“ კი 8,48% მიიღო.
აღნიშნული შედეგების თანახმად, არც ერთ პარტიას არ აქვს საკმარისი ხმები, რათა დამოუკიდებლად შექმნას საპარლამენტო უმრავლესობა.