ალექსანდრე ელისაშვილი - ერთად ავაშენოთ ქვეყანა და ვაიძულოთ მთავრობა ჩვენს დაკრულზე იცეკვოს

სამოქალაქო მოძრაობის ლიდერებმა ალექსანდრე ელისაშვილმა და ლევან იოსელიანმა თელავში წარმომადგენლობა გახსნეს და მედიასა და საზოგადოებას კახეთის რეგიონში მოძრაობის ხელმძღვანელები ნინო გოგოლაშვილი და აჩიკო მჭედლიშვილი წარუდგინეს. ამის შესახებ „ინტერპრესნიუსს“ სამოქალაქო მოძრაობიდან აცნობეს.

მათივე ინფორმაციით, ელისაშვილმა და იოსელიანმა სამოქალაქო მოძრაობის საქმიანობასა და აქტიური საზოგადოების ჩამოყალიბების მნიშვნელობაზე ისაუბრეს. ყურადღება გამახვილდა რეგიონში არსებულ პრობლემებზე, გაუმართავ ინფრასტრუქტურაზე და მიგრაციის პრობლემაზე. მოძრაობის დამფუძნებლების თქმით, აღნიშნულ საკითხებზე ზრუნვა თითოეულმა მოქალაქემ საკუთარი ძალისხმევით უნდა დაიწყოს რათა გავაუმჯობესოთ ჩვენი გარემო.

„ჩვენ თავში უნდა დავამსხვრიოთ ერთი საშინელი საბჭოური სტერეოტიპი, მოლოდინი იმისა, თითქოს ჩვენ გასაკეთებელს სხვა გააკეთებს, ჩვენ მისახედს სხვა მიხედავს. ცვლილებები თითოეულმა ჩვენგანმა უნდა დაიწყოს, თუ წინ ნაგავი ყრია ნუ დაველოდებით როდის აიღებს მთავრობა, ჩვენით დავიწყოთ და შევეცადოთ, რასაც ვერ შევძლებთ დავანამუსოთ და ვაიძულოთ მთავრობა, რომ ბოლომდე მიიყვანოს საქმე. დავიკაპიწოთ ხელები და ჩვენ გარშემო უკეთესი გავხადოთ გარემო, ეს ქვეყანაც და ეს ქალაქიც. ძალიან მარტივია, წინასაარჩევნოდ გამოხვიდე და ხალხი გააბრუო, რომ პენსია იქნება მილიონი, ყველა სოფელს - 2 მილიონი და სხვ. მსგავსი ტყუილების თქმა ჩვენც შეგვიძლია. გვაქვს ფანტაზიის უნარი. უბრალოდ სინდისი და ნამუსი ამის თქმის საშუალებას არ გვაძლევს. ჩვენ ძალიან რთულ და ეკლიან გზას ვადგავართ, რომ ჩვენით, სამოქალაქო აქტიურობითა და თითოეული მოქალაქის ჩართულობით, საერთო საქმე ვაკეთოთ, ერთად ავაშენოთ ქვეყანა და ვაიძულოთ მთავრობა ჩვენს დაკრულზე იცეკვოს, რადგან ჩვენ ვუხდით ხელფასს და ზემოდან ყურების უფლება არ აქვთ“, - განაცხადა ალექსანდრე ელისაშვილმა

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა