GWP-მ წყლის რესურსების დაცვის საერთაშორისო დღე მოსწავლეებთან ერთად აღნიშნა
GWP-მ წყლის რესურსების დაცვის საერთაშორისო დღე მოზარდ თაობასთან ერთად აღნიშნა.
22 მარტს წყლის რესურსების დაცვის საერთაშორისო დღეს, „ჯორჯიან უოთერ ენდ ფაუერის” წარმომადგენლებმა სკოლის მოსწავლეებს გააცნეს თუ რა გზას გადის წყალი ჩვენს ონკანამდე და რა მნიშვნელობა აქვს წყლის რესურსების მდგრად მოხმარებას. გარდა ამისა, კომპანიის ცენტრალური ლაბორატორიის სპეციალისტებმა მოსწავლეებს პრაქტიკულად აჩვენეს როგორ და რა დანადგარებით მოწმდება სასმელი წყლის ხარისხი,- ამის შესახებ ინფორმაციას “ჯორჯიან უოთერ ენდ ფაუერი” ავრცელებს.
gwp ყოველწლიურად სხვადასხვა შემეცნებითი აქტივობით უერთდება წყლის საერთაშორისო დღეს, რომლის მიზანი წყლის რესურსების გაფრთხილება, გარემოზე ზრუნვა და აღნიშნულ საკითხზე სამოქალაქო აქტივობის გაზრდაა.
ცნობისთვის, 1993 წლიდან გაერო-ს გენერალური ასამბლეის გადაწყვეტილებით მთელ მსოფლიოში 22 მარტი წყლის რესურსების დაცვის საერთაშორისო დღეა. წყლის დღე - შეახსენებს მთელს მსოფლიოს, რომ მტკნარი წყლის მარაგი პლანეტაზე ძალიან მცირეა. დედამიწაზე არსებული წყლის მხოლოდ 3%-ია სასმელად ვარგისი, თუმცა ადამიანისთვის ხელმისაწვდომი მხოლოდ 0,3%-ია.
v-if="article.gallery" v-html="article.gallery"
