თამარ ტალიაშვილი ოპოზიციას მოსწავლე ახალგაზრდობის ეროვნული სასახლის შენობის გასხვისებასთან დაკავშირებით პასუხობს

თბილისის საკრებულოს განათლებისა და კულტურის კომისიის თავმჯდომარე თამარ ტალიაშვილი “ნაციონალური მოძრაობის” წევრის მარინა დათუკიშვილის სხდომაზე დასმულ შეკითხვას პასუხობს, სადაც დათუკიშვილმა წარმოადგინა მედიასაშუალებებში გავრცელებული ინფორმაცია თბილისის მოსწავლე ახალგაზრდობის ეროვნული სასახლის შენობის გასხვისებასთან დაკავშირებით.

თამარ ტალიაშვილის განცხადებით, თუ ადრე საქმე ეხებოდა ტყუილების ტირაჟირებას „ნაციონალური მოძრაობის” მხრიდან, ახლა ისინი ამ ტყუილების ფორსირებას ახდენენ.

„მიუხედავად იმისა, რომ საქმე ეხება მოსწავლე ახალგაზრდობის ეროვნული სასახლის ათასობით ბავშვს, თქვენ მაინც სპეკულირებთ ამ თემით და სტრესულ მდგომარეობაში აგდებთ სასახლის ათასობით მოსწავლესა და მათ ოჯახებს.

რაც შეეხება ბიძინა ივანიშვილის კულტურულ მემკვიდრეობასთან შემხებლობას, მან ასობით კულტურული მემკვიდრეობის ძეგლი აღადგინა. რუსთაველის თეატრი, მარჯანიშვილის თეატრი, ფიროსმანის ნახატების ჩვენი ქვეყნისთვის ჩუქება და სხვა მრავალი", - განაცხადა თამარ ტალიაშვილმა.

დეპუტატის განმარტებით, მოსწავლე ახალგაზრდობის ეროვნული სასახლის შენობა ერთ-ერთი უმნიშვნელოვანესი კულტურული მემკვიდრეობის ძეგლია თბილისისთვის. შესაბამისად, მისი აღდგენა-რეკონსტრუქცია 2019 წლის პრიორიტეტული პროექტია, რისთვისაც ბიუჯეტში მნიშვნელოვანი თანხებია გათვალისწინებული.

აღნიშნულ კომენტარს თბილისის საკრებულოს პრესსამსახური ავრცელებს.

გია ხუხაშვილი - ხელისუფლების დღის წესრიგი მორგებულია არჩევნებს, სამწუხაროდ, არ ფიქრობს ეკონომიკაში სისტემური ცვლილებების განხორციელებაზე და თვითგადარჩენის რეჟიმზეა გადასული
ქართული პრესის მიმოხილვა 28.05.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"სილქნეტი" StopCoV ფონდში კიდევ ერთ მილიონ ლარს გადარიცხავს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ