ევროსაბჭოს საპარლამენტო ასამბლეის (PACE) დელეგაციის ძირითად შემადგენლობაში ზვიად კვაჭანტირაძეს არჩილ თალაკვაძე შეცვლის, ხოლო დელეგაციის სათადარიგო შემადგენლობაში დეპუტატ ეკა ბესელიას - სოფო კილაძე ჩაანაცვლებს.
ამასთან, დეპუტატი ირინა ფრუიძე ძირითადი შემადგენლობიდან PACE-ს სათადარიგო შემადგენლობაში გადაინაცვლებს.
აღნიშნული ცვლილება ასახულია პარლამენტის დადგენილების პროექტში, რომლის მიხედვით, საერთაშორისო დელეგაციების შემადგენლობის ხელახალი ფორმირება ხდება. აღსანიშნავია, რომ PACE-ს დელეგაციაში დამოუკიდებელი დეპუტატებისთვის კვოტა გათვალისწინებული არ არის. სწორედ ამ დელეგაციის ფორმირებაა საგარეო ურთიერთობათა კომიტეტის სხდომაზე ხმაურის მიზეზი.
საგარეო ურთიერთობათა კომიტეტის სხდომაზე ამ წუთებში დისკუსია იმის გარშემო მიდის, ევროსაბჭოში დელეგაცია ახალი შემადგენლობით პარლმენტის დადგენილების მიღების შემდეგ გაემგზავროს, თუ ძველმა დელეგაციამ იანვრამდე გააგრძელოს მუშაობა.