პარლამენტის პლენარულ სხდომაზე ცესკო-ს წევრის ასარჩევად კენჭისყრის ჩატარება ორჯერ გახდა საჭირო.
პარლამენტმა მხოლოდ განმეორებით კენჭისყრაზე შეძლო ცესკო-ს წევრად გიორგი შარაბიძის არჩევა, რადგან პირველ კენჭისყრაზე წარდგენილი კანდიდატურები ჩავარდა.
პრეზიდენტმა პარლამენტს ცესკო-ში არსებულ ერთ ვაკანტურ ადგილზე გიორგი შარაბიძის და ნათია იოსელიანის კანდიდატურები წარუდგინა.
კენჭისყრისას საჭირო 76 ხმა ვერც ერთმა კანდიდატმა ვერ მიიღო და ორივე ჩავარდა. ამის შემდეგ კენჭისყრა განმეორებით ჩატარდა და გიორგი შარაბიძე ცესკოს წევრად 78 ხმით აირჩიეს.