თბილისის საკრებულოს სახელდებისა და სიმბოლიკის კომისია საჯარო განხილვას 9 აპრილს, 10.00 საათზე დიმიტრი ყიფიანის სახელობის დარბაზში გამართავს.

საკრებულოს პრესსამსახურის ინფორმაციით, დეპუტატები დამსწრე საზოგადოებასთან ერთად დედაქალაქში მდებარე 6 ქუჩისთვის 9 აპრილის ტრაგედიის დროს დაღუპული 6 ქალის სახელის მინიჭების თაობაზე იმსჯელებენ.

მისივე ცნობით, განხილვას დაღუპულთა ოჯახის წევრები, საკრებულოს დეპუტატები, 9 აპრილის საზოგადოების წარმომადგენლები და სხვა დაინტერესებული პირები დაესწრებიან.

მისივე ინფორმაციით, საჯარო განხილვის დასრულების შემდგომ, საკრებულოს თავმჯდომარე დამსწრე საზოგადოებასთან ერთად 9 აპრილის მემორიალს შეამკობს.