ეკა ბესელია უმრავლესობას მოსამართლეთა შერჩევაზე - თქვენ ვერ ხედავთ, რამდენად სახიფათოა პოლიტიკურად იმ მომენტების ვერ შეგრძნება, რაც ამ პროცესს ახლავს

თქვენ ვერ ხედავთ, რამდენად სახიფათოა პოლიტიკურად იმ მომენტების ვერ შეგრძნება, რაც ამ პროცესს ახლავს, - ამის შესახებ დეპუტატმა ეკა ბესელიამ იუიდიულ საკითხთა კომიტეტის დღის წესრიგზე განაცხადა, სადაც კამათი პროცედურულ საკითხზე მიმდინარეობს. კერძოდ, ოპოზიციონერი და დამოუკიდებელი დეპუტატები მოითხოვენ, კომიტეტის დღის წესრიგიდან ამოღებულ იქნას უმრავლესობის მიერ შემუშავებული კანონპროექტი, რომელიც უზენაეს სასამართლოში მოსამართლეთა შერჩევას უკავშირდება იქამდე, ვიდრე ვენეციის კომისიის დასკვნა არ იქნება ცნობილი.

ეკა ბესელიას თქმით, უმრავლესობის არგუმენტი, რომ აღნიშნული კანონპროექტის დაჩქარებულად განხილვა უზენაეს სასამართლოში მოსამართლეთა სიმწირის გამო ხდება, მიუღებელია. მისი თქმით, მიუხედავად სიმწირისა, უზენაეს სასამართლოში იმაზე ნაკლებად ირღვევა საქმეთა განხილვის ვადები, ვიდრე ეს ხდება პირველ და მეორე ინსტანციის სასამართლოებში.

„გულწრფელად მაწუხებს ის, რომ თქვენ ვერ ხედავთ, რამდენად ზიანდება მთლიანად პროცესი ელემენტარული წესების ასეთი დაუცველობით. თქვენ ვერ ხედავთ, რამდენად სახიფათოა პოლიტიკურად იმ მომენტების ვერ შეგრძნება, რაც ამ პროცესს ახლავს. როდესაც ამბობ, რომ ხვალ მივიღებ ვენეციის კომისიის რეკომენდაციებს და პლენარულ სხდომაზე გავიზიარებ, ეს იმდენად არასერიოზული განცხადებაა, რომ ამით პირდაპირ ამბობ: ამ კომიტეტს არავითარი მნიშვნელობა არ აქვსო. თუ ამ კანონპროექტს განიხილავთ მეორე მოსმენით, მე პირადად არ ვაპირებ ამ ფარსში მონაწილეობას.

გადამწყვეტი მნიშვნელობა აქვს არა იმას, რომელი პარტია რას იტყვის და რა პოზიციას დააფიქსირებს, არამედ იმას, საზოგადოება რამდენად მტკივნეულად რეაგირებს, როდესაც ასე უპატივცემულოდ ექცევი მის განწყობებს,“ - განაცხადა ეკა ბესელიამ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს