სოზარ სუბარი - პანკისის ხეობის სიღრმეში დაწყებული ერთი ჰესის მშენებლობა გაგრძელდება, სოფელთან ახლოს მდებარე ჰესის მშენებლობაზე კი, მოსახლეობსთან მოლაპარაკებები გაიმართება

მთავრობის ადმინისტრაციის რეგიონების მიმართულების ხელმძღვანელის, სოზარ სუბარის ინფორმაციით, დიდი ხანია, რაც პანკისის ხეობაში ჰესების მშენებლობის საკითხზე მოსახლეობასთან მუშაობა მიმდინარეობს და დაგეგმილ მშენებლობასთან დაკავშირებით ყველა ინფორმირებული იყო.

როგორც ადგილზე ჩასულმა სუბარმა ჟურნალისტებს განუცხადა, ჰესები არც ეკოლოგიისათვის და არც მოსახლეობისათვის საფრთხეს არ წამოადგენს და დარწმუნებულია, რომ დაგეგმილი მშენებლობა გაგრძელდება.

“გაგრძელდება ერთი ჰესის მშენებლობა, რომელიც ხეობის სიღრმეშია, ხოლო მეორე ჰესზე, რომელიც სოფელთან უფრო ახლოა, მოსახლეობსთან მოლაპარაკებები გაგრძელდება“, - განაცხადა სოზარ სუბარმა.

მისივე თქმით, ადგილობრივთა უმრავლესობა კარგად ხედავს იმ სიკეთეებს, რაც ქვეყნისთვის და კონკრეტულად ხეობისათვის ენერგეტიკის განვითარებას მოაქვს.

“მოსახლეობასთან ამ თემაზე კომუნიკაცია იყო და მოსახლეობის უმრავლესობას აქვს ინფორმაცია თუ რა სიკეთეები მოაქვს ამ ჰესებს, ისევე როგორც ინფორმაცია აქვთ მოწინააღმდეგეებს, თუმცა არიან ადამიანები, რომელთაც მიაჩნიათ, რომ ბუნება იმ სახით უნდა შევინარჩუნოთ, როგორც არის და ეს უფრო მნიშვნელოვანია, ვიდრე ენერგეტიკის განვითარება. რა თქმა უნდა, ამ აზრსაც აქვს არსებობის უფლება“, - განაცხადა სოზარ სუბარმა.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა