დავით სერგეენკოს განცხადებით, სისხლში ტყვიის შემცველობასთან დაკავშირებით, პანიკის საფუძველი არ არსებობს
ჯანდაცვის მინისტრის დავით სერგეენკოს განცხადებით, სისხლში ტყვიის შემცველობასთან დაკავშირებით, პანიკის საფუძველი არ არსებობს. ამის შესახებ მან კვლევის შედეგების პრეზენტაციისას განაცხადა.
„ზოგადად, მთელ მსოფლიოში ტყვიასთან მიმართებით ქვეყნები ორ ნაწილად იყოფა. ქვეყნები, რომლებიც ამ პრობლემის არსებობას აღიარებენ და საკითხის მოსაგვარებლად კონკრეტულ ნაბიჯებს დგამენ და ქვეყნები, რომლებიც ამ პრობლემის არსებობას არ აღიარებენ და აგრძელებენ ისე, როგორც იყვნენ. საქართველო ცალსახად მიეკუთვნება პირველ ჯგუფს, რომლის პრიორიტეტიცაა ეს მიმართულება“, - განაცხადა დავით სერგეენკომ.
მისი თქმით, ეკოლოგიური თვალსაზრისით, მთავარი ამოცანა ძველი მემკვიდრეობისგან გათავისუფლებაა.
„ბოლო პერიოდის განმავლობაში, პრემიერ-მინისტრმა ხაზგასმით განაცხადა, რომ მწვანე პოლიტიკა ანუ ეკოლოგიაზე ზრუნვა ერთ-ერთი მთავარი პრიორიტეტია. მისი გადასაჭრელი ამოცანა, ხაზს ვუსვამ, საუბარია ეკოლოგიასა და გარემოზე და არა პოლიტიკაზე, ძველი მემკვიდრეობის მძიმე ტვირთისგან გათავისუფლებაა. კონკრეტულად ტყვიასთან მიმართებით აბსოლუტურად პრაგმატული რამ იგულისხმება. თუკი ჰაერში, წყალში, სხვადასხვა ზედაპირზე, ტყვიის არსებობის ხანგრძლივობა არ არის მაინცდამაინც დიდი, ნიადაგში ის შეიძლება ათეულობით წლები დარჩეს. ტყვიასთან მიმართებით ძველი მემკვიდრეობა ამ შემთხვევაში ნიადაგია,"- განაცხადა დავით სერგეენკომ.
v-if="article.gallery" v-html="article.gallery"
