საქართველო დუბაის საერთაშორისო ტურისტულ გამოფენაზე მონაწილეობს

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია არაბთა გაერთიანებულ საამიროებში, დუბაიში საერთაშორისო ტურისტულ გამოფენაში ATM 2019 მონაწილეობს. როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, გამოფენას ტურიზმის ეროვნული ადმინისტრაციის ხელმძღვანელი მარიამ ქვრივიშვილი ესწრება.ადმინისტრაციის ხელმძღვანელმა შეხვედრები საერთაშორისო ტურისტული და ავიაკომპანიების წარმომადგენლებთან გამართა.

მსოფლიოში ერთ-ერთ უდიდეს ტურისტულ გამოფენაზე ტურიზმის ეროვნულ ადმინისტრაციასთან ერთად 40-მდე ქართული კერძო კომპანია არის წარმოდგენილი. გამოფენაში აჭარის ტურიზმისა და კურორტების დეპარტამენტი, ასევე თბილისის მერია მონაწილეობს.

გამოფენის ფარგლებში ქართული ტურისტული კომპანიების წარმომადგენლებს საშუალება საქმიანი შეხვედრები გამართონ უცხოელ კოლეგებთან. ATM 2019-ზე საქართველოს სტენდთან სტუმრებს საშუალება აქვთ საქართველოს მიმართულებას, სხვადასხვა ტურისტულ პროდუქტებს და კურორტებს გაეცნონ.

დუბაიში საერთაშორისო ტურისტულ გამოფენაზე მსოფლიოს 150-ზე მეტი სახელმწიფოს 2500-ზე მეტი საერთაშორისო კომპანია არის წარმოდგენილი. დამთვალიერებელთა რაოდენობა კი დაახლოებით 40 ათასია.

“ეს არის ერთ-ერთი უმნიშვნელოვანესი გამოფენა და კერძო სექტორის ინტერესი ძალიან მზარდია, ჩვენ გამოფენაზე 35-ზე მეტ ტურისტულ კომპანიასთან ერთად ვიმყოფებით და მათ წარმომადგენლებს საშუალება აქვთ დაამყარონ კონტაქტები ადგილობრივ ტურ-ოპერატორებთან. სპარსეთის ყურის რეგიონი განსაკუთრებით მნიშვნელოვანია ჩვენთვის, იქიდან გამომდინარე, რომ ამ ქვეყნებიდან მაღალმხარჯველიანი ტურისტების რიცხვი მზარდია. გამოფენის ფარგლებში ჩვენ გავმართეთ მნიშვნელოვანი შეხვედრები სხვადასხვა ავიაკომპანიის, მათშორის: Air Astana, Salam Air, Flydubai, Emirates Airline-ის წარმომადგენლებთან. “ -განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 16.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
HOUSE.GE - ახალი პლატფორმა მშენებარე და ახალაშენებული ბინებისთვის
"გალფში" საზაფხულო გათამაშება დაიწყო
WWW.TIME.GE – საათებისა და სამკაულების ახალი ინტერნეტ მაღაზია
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება