რუსთავში, ჭყონდიდელის დასახლებაში სასჯელაღსრულების ორი დაწესებულების მშენებლობასთან დაკავშირებით მორიგი საპროტესტო აქცია მიმდინარეობს

რუსთავში, ჭყონდიდელის დასახლებაში სასჯელაღსრულების ორი დაწესებულების მშენებლობასთან დაკავშირებით მორიგი საპროტესტო აქცია მიმდინარეობს. აქცია ადგილობრივი მოსახლეობისა და სამოქალაქო აქტივისტების მიერ არის ორგანიზებული. აქციას დღეს რუსთავის ეპარქიის მრევლიც შეუერთდება. აქციის მონაწილეები ციხის მშენებლობის დაუყოვნებლივ შეჩერებას ითხოვენ. მათი თქმით, პროტესტი გაგრძელდება მანამდე, სანამ მშენებლობის შეჩერების გადაწყვეტილება არ იქნება მიღებული. პროტესტის მონაწილეების განცხადებით, ისინი არ დაუშვებენ, რომ რუსთავი ციხეების ქალაქად გადაიქცეს.

"დასახლებულ პუნქტში გვიშენებენ ციხეს. მიუხედავად იმისა, რომ მრავალჯერ ვთხოვეთ ადგილობრივ მერიას, არავინ მოგვაქცია ყურადღება. ჩვენი მოთხოვნაა, რომ უშუალოდ იუსტიციის მინისტრს შევხვდეთ, ვინც პასუხისმგებელი და ვალდებულია ჩვენთან. ისეთ ადგილზე არ უნდა აგვიშენონ ციხე, რომელიც ჩვენი ქალაქის წესდებას ეწინააღმდეგება.

ქალაქის მერი მოვიდა აქ ცხრა აპრილს და გვითხრა, რომ 3 მილიონია დახარჯული აქ და მზად არის, რომ ეს თანხა გადაიხდოს, რომ სხვაგან ააშენონ. ჩამობრძანდეს ქალბატონი მინისტრი და დაგველაპარაკოს",-აცხადებს აქციის ერთ-ერთი ორგანიზატორი შალვა სეთური.

გარა ამისა, აქციის მონაწილეების ინფორმაციით, რუსთავის მერია იუსტიციის სამინისტროს წინააღმდეგ სარჩელით სასამართლოსაც მიმართავს.

დღეს აქციის ორგანიზატორებმა აქციის მონაწილეებს ის წერილიც გააცნეს, რომელიც პრემიერ-მინისტრსა და პრეზიდენტს გადაეგზავნა.

ცნობისთვის, ციხის მშენებლობის შეჩერების მოთხოვნით, ადგილობრივმა მოსახლეობამ პეტიციით უკვე მიმართეს რუსთავის მერიას და საქართველოს იუსტიციის მინისტრს თეა წულუკიანს. იუსტიციის მინისტრის სახელზე შედგენილ პეტიციას 800-მდე ადამიანი აწერს ხელს. საპროტესტო აქციები ერთ თვეზე მეტია პერმანენტულად მიმდინარეობს.

იხილეთ ვიდეო: რუსთავში ციხის მშენებლობის წინააღმდეგ მორიგი საპროტესტო აქცია გაიმართა

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 09.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)
„ალიანს ჯგუფი“ BDO-სთან პარტნიორობით SAP Business One-ს ნერგავს
გაზელ ფაინენსის ინვესტიცია სანიორეს მეღვინეობაში, ნაფარეულის მიკროზონაში ვენახების მფლობელ კომპანიაში
„თბილღვინო“ განაგრძობს საკუთარი ვენახების განვითარებას