თბილისის ბაგა-ბაღების გათავისუფლებული 12 დირექტორის საქმეზე სასამართლომ შესაძლოა, დღეს გადაწყვეტილება გამოაცხადოს. ამის შესახებ „ინტერპრესნიუსს" ადვოკატმა ბექა კვინიკაძემ განუცხადა.
აღნიშნულ საქმეში მოსარჩელე მხარეს დირექტორები, ხოლო მოპასუხე მხარეს ბაღების სააგენტო წარმოადგენს.
მოსარჩელეები გათავისუფლების ბრძანების ბათილად ცნობას, სამსახურში აღდგენას, განაცდურის ანაზღაურებას, გამოუყენებელი კუთვნილი შვებულების და ასევე, საპროცესო ხარჯების ანაზღაურებას მოითხოვენ.
შეგახსენებთ, რომ საბავშვო ბაღის 12 დირექტორი მერიის შიდა აუდიტის დასკვნის საფუძველზე, 2016 წლის მარტში გაათავისუფლეს.