ივანიშვილმა პრეზიდენტის ოფისში უსულო საგანი შეიტანა - მოქალაქე ზურაბიშვილს არც ინტელექტი, არც განათლება და არც თავშეკავება აქვს, რომ არ ილაპარაკოს იმაზე, რაზეც წარმოდგენა არ აქვს, - ამის შესახებ პრეზიდენტობის ყოფილმა კანდიდატმა, "ნაციონალური მოძრაობის“ ლიდერმა გრიგოლ ვაშაძემ განაცხადა. ვაშაძე გამოეხმაურა საქართველოს პრეზიდენტის სალომე ზურაბიშვილის განცხადებას, რომელიც ამერიკულ სამხედრო ბაზებს შეეხება.

"რომ გითხრათ, მოქალაქე ზურაბიშვილის განცხადებები ძალიან აღელვებს ვინმეს საქართველოში, მოგატყუებთ და ახლა წარმოიდგინეთ, რამდენად აღელვებს მისი განცხადებები ვინმეს საქართველოს ფარგლებს გარეთ. ის, რომ ამ ადამიანს არც ინტელექტი აქვს, არც განათლება და არც თავშეკავება, რომ არ ილაპარაკოს იმაზე, რაზეც წარმოდგენა არ აქვს, ეს სხვა საკითხია. უბედურება ის არის, რომ უსულო საგანი შეიტანა საპრეზიდენტო ოფისში ბიძინა ივანიშვილმა და შემდეგ გაცილებით უფრო მეტი წელიწადი, ვიდრე წარმოგვიდგენია, მოგვიწევს ამ უსულო საგნის განცხადებებზე პასუხისმგებლობის ატანა. სამწუხაროდ, შეერთებულ შტატებს არავითარი გეგმა არ აქვს სამხედრო ბაზის გახსნაზე და რა საჭიროა ამ თემაზე გაუაზრებელი, ყოვლად უგუნური განცხადებების გაკეთება, ძნელი წარმოსადგენია", - აღნიშნა ვაშაძემ.