ვახტანგ გომელაური - არანაირი დაპირისპირება არ არის ჩემსა და გახარიას შორის
სახელმწიფო უსაფრთხოების სამსასახურის ხელმძღვანელი ვახტანგ გომელაური ჭორს უწოდებს მედიაში გავრცელებულ ინფირმაციას, რომლის თანახმად, მასსა და შინაგან საქმეთა მინისტრ, გიორგი გახარიას შორის დაპირისპირებაა.
როგორც გომელაურმა პარლამენტში ჟურნალისტებს განუცხადა, მას გიორგი გახარიასთან მეგობრული ურთიერთობა აკავშირებს.
"არანაირი დაპირისპირება არ არის. ჩემი ძალიან კარგი,დიდი ხნის მეგობარია გიორგი.დიდი ხანია ერთმანეთს ვიცნობთ. ასევე, მარტო ჩვენი ურთიერთობა არა, ჩვენი უწყებებიც ასეა არიან ერთმანეთთან. მართლაც, ერათმანეთის გარეშე, ცალ-ცალკე მუშაობა ურთულესი იქნება შინაგან საქმეთა სამინისტროსთვის და სახელმწიფო უსაფრთხოების სამსახურისთვის. ეს არის ერთი სისტემა, თითქმის,ერთი ორგანიზმია. მით უმეტეს, მე და გიორგი პიროვნულად ძალიან კარგი მეგობრები ვართ.ასე რომ , ეს, რა თქმა უნდა, ჭორებია", - განაცხადა გომელაურმა.
v-if="article.gallery" v-html="article.gallery"
