გიორგი ქობულია - იყო თხოვნა,  წავსულიყავი თანამდებობიდან, მე ეს არ გავაკეთე, რადგან ბოლომდე ვინარჩუნებდი იმედს, რომ ჩემს ხედვებში მმართველ გუნდს დავარწმუნებდი

წასვლა არის, როცა ადამიანი განცხადებას დაწერს და მე განცხადება არ დამიწერია, ამიტომ ვამბობ, რომ მე გამათავისუფლეს“,-ამის შესახებ საქართველოს ეკონომიკის და მდგრადი განვითარების ყოფილმა მინისტრმა გიორგი ქობულიამ მის მიერ თანამდებობიდან წასვლის საკითხის კომენტირებისას განაცხადა.

ამასთან, გიორგი ქობულიას თქმით, ის თავიდანვე გრძნობდა გარკვეულ განსხვავებას მთავრობასა და მის ხედვებს შორის.

„მე თავიდანვე შევიგრძენი, რომ ჩვენ ხედვებში თანხვედრა ბოლომდე არ გვქონდა. თუ თქვენი კითხვა იქნება ის, თუ რა იყო ჩემი წასვლის რეალური მიზეზი, რეალური მიზეზი იყოს ზუსტად ის, იმ ხედვებში, იმ პრინციპებში, რომელზეც მე მეგონა, რომ ჩვენ შევთანხმდით დასაწყისში, მერე აღმოვაჩინე, რომ ამაში ჩვენ თანხვედრა არ გვქონდა“,-აცხადებს გიორგი ქობულია.

წამყვანის რეპლიკაზე-„წასვლა არა, თქვენ გაგათავისუფლეს“ ეკონომიკის ახლა უკვე ყოფილი მინისტრი პასუხობს:-„თქვენ ალბათ უფრო სწორად უკეთებთ ფორმულირებას იმას, რაც მოხდა. წასვლა არის, როცა ადამიანი განცხადებას დაწერს და მე განცხადება არ დამიწერია, ამიტომ ვამბობ, რომ მე გამათავისუფლეს“.

გიორგი ქობულიას თქმით, სიმართლეა გავრცელებული ინფორმაცია, რომ მას სთხოვდნენ დაეწერა განცხადება და წასულიყო საკუთარი განცხადების საფუძველზე.

„იყო თხოვნა, რომ მე წავსულიყავი თანამდებობიდან, მე ეს არ გავაკეთე, რადგან ბოლომდე ვინარჩუნებდი იმედს, რომ იმ ხედვებს, რომელიც მე მიმაჩნდა სწორად მმართველ გუნდს მივუტანდი და ამ ხედვებში მათ დავარწმუნებდი. ეს განცდა და იმედი მქონდა და მაქსიმალურად ვცდილობდი, რომ ეს გამეკეთებინა. როგორც დავინახეთ, ალბათ ბოლომდე არ გამომივიდა“,-აცხადებს ეკონომიკის ყოფილი მინისტრი გიორგი ქობულია გადაცემაში „ფორბსის კვირა“.

მისივე თქმით, აღნიშნულ თემაზე მას კომუნიკაცია პირველ რიგში პრემიერ-მინისტრთან ჰქონდა და პარტიის ლიდერთანაც (ბიძინა ივანიშვილთან) მოხდა აღნიშნული საკითხის დეტალურად გავლა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“