ბიზნესომბუდსმენი - საბანკო რეგულაციებს ტექნიკის მაღაზიებზე დიდი გავლენა აქვს, ამიტომ ვფიქრობთ, გაიმართება მსჯელობა იმაზე, სად ითხოვს რეგულაციები შერბილებას
საბანკო რეგულაციებს ტექნიკის მაღაზიებზე დიდი გავლენა აქვს, ამიტომ ვფიქრობთ, გაიმართება მსჯელობა, სად ითხოვს რეგულაციები შერბილებას, - ამის შესახებ ბიზნესომბუდსმენმა ირაკლი ლექვინაძემ განაცხადა.
როგორც ლექვინაძე აცხადებს, მის აპარატს კომუნიკაცია აქვს, როგორც ტექნიკის იმპორტიორ, ასევე რეალიზატორ კომპანიებთან.
„ჩვენ გვაქვს კომუნიკაცია ტექნიკის იმპორტიორ და რეალიზატორ კომპანიებთან და ჩვენი შეფასებით ვფიქრობთ, რომ ყველაზე მნიშვნელოვანი გავლენა აღნიშნულ რეგულაციებს აქვს სწორედ ამ სექტორზე და განსაკუთრებით, რეგიონებში. ის, რომ მათ შიდა განვადებები დაიწყეს, ეს არის მათი გადაწყვეტილება. მთლიანობაში, ჩვენ ვფიქრობთ, რომ ალბათ, იქნება მსჯელობა ამ საკითხზე, სადაც ჩვენ უფრო სიღრმისეულად წარმოვადგენთ შეფასებებს, რომელ სექტორზე რა გავლენა აქვს აღნიშნულ საბანკო რეგულაციებს, სად ითხოვს ის შერბილებას იმისთვის, რომ ბიზნესზე ნეგატიური გავლენის ეფექტი იყოს უარყოფითი",- განაცხადა ლექვინაძემ.
v-if="article.gallery" v-html="article.gallery"
