სუს-ში მალხაზ მაჩალიკაშვილის საქმეზე გამოკითხვები, სავარაუდოდ, დღესაც გაგრძელდება

სუს-ში მალხაზ მაჩალიკაშვილის საქმეზე გამოკითხვები, სავარაუდოდ, დღესაც გაგრძელდება. ამის შესახებ „ინტერპრესნიუსისთვის“ გახდა ცნობილი. თუმცა ამ ეტაპზე უცნობია, თუ ვის გამოკითხავენ უსაფრთხოების სამსახურში.

რაც შეეხება თავად მალხაზ მაჩალიკაშვილს, მისი ადვოკატის მარიამ კუბლაშვილის განცხადებით, ისინი მზად არიან მივიდნენ გამოკითხვაზე და ყველა კითხვას პასუხი გასცენ. ამასთან, ადვოკატი დარწმუნებულია მალხაზ მაჩალიკაშვილის უდანაშაულობაში. ჯერჯერობით უცნობია, როდის იგეგმება მალხაზ მაჩალიკაშვილის გამოკითხვა.

ამასთან, გუშინ სუს-ში გამოიკითხა მალხაზ მაჩალიკაშვილის ძმისშვილი მორის მაჩალიკაშვილი.

შეგახსენებთ, რომ სახელმწიფო უსაფრთხოების სამსახურმა სავარაუდოდ, მალხაზ მაჩალიკაშვილისა და მისი ძმისშვილის მორის მაჩალიკაშვილის საუბრის ჩანაწერი გაავრცელა. ჩანაწერის მიხედვით, მალხაზ მაჩალიკაშვილი ძმისშვილს სავარაუდოდ, სუს-ის უფროსის ყოფილი მოადგილის, სოსო გოგაშვილის თვალთვალს ავალებს. ჩანაწერში მაჩალიკაშვილი მორის (ჰუსეინი) მაჩალიკაშვილს ეუბნება, რომ მისი საქმე მხოლოდ გოგაშვილია.

სახელმწიფო უსაფრთხოების სამსახურის ინფორმაციით, მალხაზ მაჩალიკაშვილს ტერორისტული აქტის ორგანიზების გზით რამდენიმე პირის მკვლელობა ჰქონდა განზრახული.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა