სოსო გოგაშვილი პროკურატურას მიმართავს - დაკითხონ

სახელმწიფო უსაფრთხოების სამსახურის უფროსის ყოფილი პირველი მოადგილე სოსო გოგაშვილი პროკურატურას მიმართავს, პანკისში ჩატარებული სპეცოპერაციის საქმეზე დაკითხონ.

სპეცოპერაციასთან დაკავშირებით მის მიმართ არსებულ ბრალდებებზე გოგაშვილმა „ინტერპრესიუსთან“ ექსკლუზიურ ინტერვიუში ისაუბრა.

ამასთან, გოგაშვილის მტკიცებით, არც პანკისში ყოფილა და არც სპეცოპერაციას ხელმძღვანელობდა.

„მინდა პროკურატურას მივმართო და ვუთხრა, რომ ამ თემასთან დაკავშირებით მინდა, რომ დამკითხონ - დამკითხონ, ვიყავი თუ არა ჩასული პანკისის ხეობაში. იმ დროს, თბილისში ვიყავი, ისევე როგორც, ყველა ხელმძღვანელი. ჩემთან ერთად იყვნენ სტუმრები, ამის დადგენა მარტივად შეიძლება, მათ შორის, სატელეფონო ანძებით და სხვა ტექნიკური საშუალებებით. ასევე გამოსაკითხია გამომძიებლები, დაკავების ჯგუფი, მე ვხელმძღვანელობდი თუ არა ამ ღონისძიებას“, - განაცხადა გოგაშვილმა.

რაც შეეხება შეკითხვას, „იყო თუ არა თემირლან მაჩალიკაშვილის ლიკვიდაცია შეცდომა?“, სუს-ის ყოფილი მაღალჩინოსნის თქმით, „ეს ლიკვიდაცია არ ყოფილა, აყვანის პერიოდში მოხდა დაჭრა, ამ ჭრილობის შედეგად, რომელიც აღმოჩნდა სასიკვდილო, ფატალური შედეგი დადგა“.

ინტერვიუს სრული ვერსია იხილეთ ბმულზე.

იხილეთ ვიდეო

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა