ყალბი ახალი ამბების წინააღმდეგ ბრძოლისას, სინგაპურში პოლიციას ონლაინ პლატფორმების და სასაუბროს გაკონტროლება შეეძლება.
ახლად მიღებული კანონის მიხედვით, ქვეყნის მთავრობას შეუძლია ონლაინ პლატფორმას ამა თუ იმ ამბის შესწორება ან წაშლა მოსთხოვოს. ისინი აცხადებენ, რომ დღესდღეობით ყალბი ახალი ამბების გავრცელება ძალიან გახშირდა, ახალი კანონი კი მოსახლეობას მისგან დაიცავს.
ამასთან, ხელისუფლებას შეეძლება დაბლოკოს და წაშალოს ყალბი ახალი ამბების გამავრცელებელი ვებ-გვერდები. თუმცა, აღსანიშნავია, რომ საზოგადოების გარკვეული ნაწილი ხელისუფლების გადაწყვეტილებას ნეგატიურად აფასებს. ისინი აცხადებენ, რომ ამიერიდან მთავრობას საშუალება ექნება მათთვის არასასურველი და არახელსაყრელი ამბები სოციალური მედიიდან გააქროს, რითაც ქვეყანაში შესაძლოა დემოკრატიას საფრთხე შეექმნას.