გეგმური სარეაბილიტაციო სამუშაოების გამო, 10 მაისს „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება.
როგორც „ინტერპრესნიუსს“ „ენერგო-პრო ჯორჯიადან“ აცნობეს, გამანაწილებელ ქსელში დაგეგმილი სარეაბილიტაციო სამუშაოების გამო, 10 მაისს 10:00 საათიდან 18:30 საათამდე ელენერგია შეუწყდება აბონენტებს სოფლებში დიღომი, დიდგორი, ვეძისი, თელოვანი, ხოლო 11:00-დან 14:00 საათამდე - დიდ დიღომში და თბილისში ნურადინ ფრიდონის, ვაშაძის, ხატაეთის, შერმადინის და მიმდებარე ქუჩებზე.
მათივე ინფორმაციით, 12:00 საათიდან 13:00 საათამდე ენერგომომარაგება შეეზღუდება აბონენტებს დუშეთის მუნიციპალიტეტის სოფლებში მაღაროსკარი, ბარისახო, შუაფხო, უძილაურთა და მიმდებარე სოფლებში, ხოლო 13:00-დან 14:00 საათამდე - სოფლებში თვალივი, წიფრანი, ხილიანა, გუდრუხი, ქვემო ხორხი და მიმდებარე სოფლებში.
სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.