მალხაზ მაჩალიკაშვილი მის დაკავებას გამორიცხავს

მალხაზ მაჩალიკაშვილის განცხადებით, სუს-ში გამოკითხვაზე დღეს, 15:00 საათზე ადვოკატებთან ერთად მივა.

როგორც მაჩალიკაშვილმა ჟურნალისტებთან საუბრისას განაცხადა, სუს-ის მიერ რამდენიმე დღის წინ გავრცელებული ინფორმაცია ემსახურება იმას, რომ „მისი განადგურებით უწყებამ საკუთარი შვილის, თემირლან მაჩალიკაშვილის საქმის სიმართლე გაანადგუროს".

მალხაზ მაჩალიკაშვილის თქმით, სუს-ს ეს არ გამოუვა, რადგან მის უკან მხარდამჭერთა დიდი ძალა დგას.

ამასთან, მალხაზ მაჩალიკაშვილი გამორიცხავს, რომ სამართალდამცველებმა ის დააკავონ. მისივე თქმით, მიზეზი ის არის, რომ არაფერი ჩაუდენია და ტერორიზმთან არც მას და არც მის ახლობლებს არანაირი კავშირი არ აქვთ.

„მე, ფაქტობრივად, გამანადგურეს, მაგრამ თემირლანის საქმე არ განადგურდება, იმიტომ, რომ ჩემს უკან უხილავი ძალა დგას. თემირლანის საქმით მე ამ სისტემას დავანგრევ. თემირლანის პატივსაცემად სისტემას ბოლოს მოვუღებ, არ აქვს მნიშვნელობა ციხეში ვიქნები თუ გარეთ“, - განაცხადა მაჩალიკაშვილმა.

მისივე განმარტებით, მაშინ, როცა მას ტერორიზმთან კავშირს ედავებიან, საინტერესოა, რატომ არ გაჩხრიკეს სამართალდამცველებმა პარლამენტის წინ გაშლილი კარავი, სადაც ის თვეებია ცხოვრობს.

„არც მე და არც ჩემი თანმხლები პირები დანაშაულის ადგილას შემჩნეულები არ ვართ. ჩვენ არანაირი კონტაქტი არ გვქონია იარაღთან, არანაირი მცდელობა არ გვქონია. საქვეყნოდ რომ ტერორისტად გამომაცხადეს, სად ვცხოვრობ ეს 9 თვე?! კარავში. ეს უნიჭოები, ნაძირლები, ერთი კაცი არ მოსულა, რომ თუნდაც კარავი გაეჩხრიკათ. მთელ ქვეყანაში ტერორისტად გამომაცხადეს, 9 თვეა კარავში ვარ და კაციშვილი არ მოსულა გაეგო, რა ხდება. წარმოიდგინეთ, რა პროფესიონალებიც არიან“, - განაცხადა მაჩალიკაშვილმა.

ამასთან, მაჩალიკაშვილის თქმით, მისი დაკავების შემთხვევაში, აქციებს მისი ოჯახი გააგრძელებს.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)