გიგა ბოკერია მაჩალიკაშვილის საქმეზე - როდესაც ისეთ ექსტრაორდინალურ ნაბიჯს, როგორიც არის სუს-ის მიერ ჩანაწერის გასაჯაროება, არ მოჰყვება ნაბიჯები, ეს აღძრავს სერიოზულ კითხვებს

როდესაც ისეთ ექსტრაორდინალურ ნაბიჯს, როგორიც არის სუს-ის მიერ ჩანაწერის გასაჯაროება, არ მოჰყვება ნაბიჯები, ეს აღძრავს სერიოზულ კითხვებს, - ამის შესახებ „ევროპული საქართველოს" წევრმა გიგა ბოკერიამ ჟურნალისტებს მალხაზ მაჩალიკაშვილის საქმესთან დაკავშირებით განუცხადა.

მისი თქმით, პროკურატურის და სუს-ის მოტივაცია უნდა იყოს დანაშაულის აღკვეთა და შემდეგ პიარი. მოცემულ შემთხვევაში კი, ბოკერიას განცხადებით, ადგილი ჰქონდა მხოლოდ პიარ სვლას, რეაგირება კი არ ყოფილა.

„როდესაც ასეთი მიყურადების გასაჯაროება ხდება, ამის ლოგიკური ახსნა შეიძლება იყოს ერთადერთი, რომ აუცილებელია საზოგადოების ინფორმირება, რადგან გარდაუვალია რაღაც ნაბიჯების გადადგმა გარკვეული რისკების გამო. სხვა შემთხვევაში ეს არის აბსოლუტურად აუხსნელი. სხვა შემთხვევაში, როდესაც ასეთი მტკიცებულება გაქვს და თუ ეს მტკიცებულება არის საფუძვლიანი, მაშინ ფარულად გრძელდება თვალთვალი და გამოძიება. როდესაც ვნახეთ ეს ძალიან მძიმე ჩანაწერი, არანაირი პოლიტიკური კეკლუცობა "ევროპული საქართველოს" მხრიდან არ ყოფილა. იმის გამო, რომ ოპოზიციაში ვართ, ჩვენ აქ არ ვაპირებთ დროშები ვაფრიალოთ. ეს არის ნებისმიერი პასუხისმგებლობის მქონე ოპოზიციის ვალდებულება. მაგრამ როდესაც ისეთ ექსტრაორდინალურ ნაბიჯს, როგორიც არის ამ ჩანაწერის გასაჯაროება, არ მოყვება ნაბიჯები, ეს აღძრავს სერიოზულ კითხვებს. მინიმუმ კითხვას, თუ რა მოტივაცია ჰქონდა ხელისუფლებას. პროკურატურის და სუს-ის მოტივაცია უნდა იყოს დანაშაულის აღკვეთა, თუ ის ხდება და არა პიარი. პიარი მოდის შემდეგ, როცა რაღაც ნაბიჯებს დგამ. პიარის საწინააღმდეგო კი არ მაქვს რამე, უბრალოდ თანმიმდევრობა არ უნდა აგვერიოს. როდესაც ირკვევა, რომ ეს ყველაფერი კეთდება პიარისთვის და შემდეგ ნაბიჯები არ არის გადადგმული, იქმნება ეჭვი, რომ ეს ამბავი მათ მიაჩნიათ საზოგადოებრივი ურთიერთობის ინსტრუმენტად - ის პასუხგაუცემელი კითხვები წინა ოპერაციასთან დაკავშირებით, გადაფარონ,"- განაცხადა გიგა ბოკერიამ.

იხილეთ ვიდეო

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა
26 ოქტომბერს ავსტრია ეროვნულ დღესასწაულს განსაკუთრებული აქტივობებით აღნიშნავს
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)