მალხაზ მაჩალიკაშვილის განცხადებით, მისი ძმის შვილი არ ყოფილა სოსო გოგაშვილის მამის საფლავზე

მალხაზ მაჩალიკაშვილის განცხადებით, მისი ძმის შვილი არ ყოფილა სოსო გოგაშვილის მამის საფლავზე, რომელზეც სუს-ის მიერ გავრცელებულ ფარულ ჩანაწერებშია საუბარი. რაც შეეხება გავრცელებულ ინფორმაციას, რომ არსებობს კადრები, რომლითაც დასტურდება, რომ მისი ძმის შვილი იმყოფებოდა კიდევ ერთ პირთან ერთად აღნიშნულ ტერიტორიაზე, მაჩალიკაშვილის თქმით, ამ საკითხზე ვიდეოს ნახვის შემდეგ ისაუბრებს.

„როცა კადრებს ვნახავ მერე გავცემ მაგაზე პასუხს, რატომ და რისთვის იყო ჩასული. 1500 საქმეა რატომ და რისთვის შეიძლება ჩასულიყვნენ. თუ იცოდნენ, რომ ჩასულები იყვნენ და გეგმავდნენ, იქამდე, 2 თვის განმავლობაში სად იყვნენ?! თუ ჰქონდათ ინფორმაცია, დალოდებოდნენ ფაქტამდე და ფაქტზე დაეჭირათ. უბრალოდ ეს არის ჩემი განადგურების მიზანი, განადგურდეს თემირლანის სამართალი. ეს არის ანგარიშსწორება. მთელი ხელისუფლება მებრძვის ერთ ადამიანს", - განაცხადა მალხაზ მაჩალიკაშვილმა სუს-ში დაკითხვაზე შესვლამდე.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის