მედიკო მარგოშვილი - ერთი კვირის წინ მალხაზ მაჩალიკაშვილის მანქანის საბურავი ვიღაცამ შეგნებულად დააზიანა, რომ მანქანა გადაბრუნებულიყო

მალხაზ მაჩალიკაშვილის მეუღლის მედიკო მარგოშვილის განცხადებით, ერთი კვირის წინ მისი მეუღლის მანქანის საბურავი ვიღაცამ შეგნებულად დააზიანა, რათა მანქანა მწყობრიდან გამოსულიყო.

როგორც მედიკო მარგოშვილმა სუს-თან ჟურნალისტებს განუცხადა, მისი ოჯახის მიმართ ადგილი აქვს ანგარიშსწორებას, რადგან თემირლან მაჩალიკაშვილის საქმეზე სიმართლე არ გაირკვეს.

"ჩემს მეუღლეს პროვოკაციებს უწყობდნენ. ერთი კვირის წინ, მანქანის წინა საბურავი დაუზიანეს, რადგან როგორც კი სიჩქარით წავიდოდა, მანქანა გადაბრუნებულიყო. ჩვენ ისედაც განადგურებულები ვართ. ამათ უნდათ ჩემი შვილის დანაშაული გადაფარონ და ჩაკლან სისასტიკე",- განაცხადა მედიკო მარგოშვილმა.

მისივე განმარტებით, მალხაზ მაჩალიკაშვილის დაკავების საფუძველი არ არსებობს, თუმცა თუ დააკავეს, საპროტესტო აქციას პარლამენტთან ოჯახი გააგრძელებს.

ამ წუთებში სახელმწიფო უსაფრთხოების სამსახურში მალხაზ მაჩალიკაშვილის გამოკითხვა მიმდინარეობს.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის