საგანგებო სიტუაციების მართვის სამსახური თბილისში მოსული უხვი ნალექის გამო, მუშაობის საგანგებო რეჟიმზე გადავიდა.

როგორც „ინტერპრესნიუსს“ საგანგებო სიტუაციების მართვის სამსახურის პრესსამსახურში განუცხადეს, ამ დროისთვის რამდენიმე ათეული შეტყობინებაა დაფიქსირებული. ყველაზე ხშირად ფიქსირდება ეზოების, საცხოვრებელი კორპუსის სადაბაზოებისა და სარდაფების დატბორვის შემთხვევები. უხვმა ნალექმა ამ ეტაპზე ყველაზე დიდი დაზიანება სანზონისა და გლდანის რაიონის მცხოვრებლებს მიაყენა.