დავით ზალკალიანი - საქართველოს მოქალაქეების ლეგალურად დასაქმებაზე საფრანგეთთან შეთანხმება უკვე მიღწეულია

საქართველოს მოქალაქეების საზღვარგარეთ ლეგალური დასაქმება ერთ-ერთი პრიორიტეტული მიმართულებაა. ამას განვიხილავთ, როგორც მნიშვნელოვან პრევენციულ ნაბიჯს თავშესაფრის მაძიებელთა სტატისტიკის ზრდის კონტექსტში, - ამის შესახებ "ინტერპრესნიუსს" საგარეო საქმეთა მინისტრმა დავით ზალკალიანმა ბრიუსელში განუცხადა.

"ინტერპრესნიუსის" კითხვაზე, რა ეტაპზეა ევროკავშირის წევრ ქვეყნებთან მოლაპარაკებები საზღვარგარეთ ქართველების ლეგალურ დასაქმებასთან დაკავშირებით, ზალკალიანი განმარტავს, რომ არსებობს საპილოტე პროექტები ამ მიმართულებით.

"ეს ევროკავშირში ინტეგრაციის გზაზე ერთ-ერთი მთავარი მიმართულებაა, მობილურობისა და ხალხთა შორის ურთიერთობის შემადგენელი ნაწილია. ჩვენ უკვე ბევრ ქვეყანასთან გვაქვს დაწყებული ორმხრივი დიალოგი. საფრანგეთთან მიღწეულია შეთანხმება, ვმუშაობთ გერმანიასთან, პოლონეთთან, ბალტიისპირეთის ქვეყნებთან, რუმინეთთან, პორტუგალიასთან, ასევე ისრაელთან, რომელიც არაა ევროკავშირის წევრი.

გარდა ამისა, ცალკეული საპილოტე პროექტები ხორციელდება "მიგრაციის საერთაშორისო ორგანიზაციასთან" ერთად და კონკრეტული შედეგები უკვე არის. შექმნილია უწყებათაშორისი სამუშაო ჯგუფი, რომელშიც ჯანდაცვის, განათლების და საგარეო საქმეთა სამინისტროებია ჩართული და ბუნებრივია, ამ მიმართულებას მომავალში კიდევ უფრო მეტ კონკრეტულ ნაბიჯს გადავდგამთ," - განაცხადა ზალკალიანმა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ