მიხეილ ყაველაშვილი - ყველაფერს ვაკეთებთ იმისათვის, რომ კალათბურთის 2021 წლის ევროპის ჩემპიონატს თბილისმა უმასპინძლოს

კალათბურთის 2021 წლის ევროპის ჩემპიონატის გასამართად მასპინძელი ქალაქის შერჩევის საკითხთან დაკავშირებით საქართველოში კალათბურთის საერთაშორისო ფედერაციის ევროპის კომიტეტის (ფიბას) დელეგაცია იმყოფება, რომლის წევრებს ლუბომირ მანდიჩს, მონიკა პუხნერს და საკის კონტოსს დღეს სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილი შეხვდა. პარლამენტის პრესსამსახურის ინფორმაციით, სტუმრები ახალი სპორტის სასახლის მშენებლობის საკითხს დეტალურად გაეცნენ.

მათივე ცნობით, კომიტეტის თავმჯდომარის ინფორმაციით, საქართველოს შეტანილი აქვს განაცხადი, რომ 2021 წელს ევროპის ჩემპიონატს უმასპინძლოს.

„მიმდინარე წლის 25 მაისს, ფიბა განიხილავს საკითხს, თუ რომელ ქალაქს მიანიჭოს უპირატესობა და მიიღებს შესაბამის გადაწყვეტილებას. ჩვენ ყველაფერს ვაკეთებთ იმისათვის, რომ ევროპის ჩემპიონატს ვუმასპინძლოთ. ამ საკითხში მთავრობა აქტიურადაა ჩართული, კალათბურთის ფედერაციაც ამ მიმართულებით ინტენსიურად მუშაობს, გუნდიც ძალიან კარგი გვყავს. საქართველოში ყველას უყვარს კალათბურთი და, შესაბამისად, ყველასთვის სასიხარულო იქნება, რომ ევროპის ჩემპიონატი ჩვენთან ჩატარდეს“, - განაცხადა მიხეილ ყაველაშვილმა შეხვედრის დასრულების შემდეგ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ