ანა დოლიძე -  ეუთოს ექსპერტებმა რამდენიმე საკითხზე კრიტიკული შენიშვნა გამოთქვეს

იყო მითითება იმაზე, რომ პატარა პროცედურულმა პრობლემამაც კი შეიძლება კითხვის ნიშნის ქვეშ დასვას მოსამართლის დანიშვნა და ყველა გადაწყვეტილება, რომელიც შეიძლება ამ მოსამართლემ გამოიტანოს. ამის გათვალისწინებით, რა თქმა უნდა, საბჭოზე ჩნდება უდიდესი პასუხისმგებლობა რომ კანონის ზედმიწევნითი დაცვით წარიმართოს გასაუბრების პროცესი,- ამის შესახებ იუსტიციის უმაღლესი საბჭოს არამოსამართლე წევრმა ანა დოლიძემ, ეუთო-ს ექსპერტებთან გამართული შეხვედრის შემდეგ განაცხადა.

მისივე თქმით, ექსპერტებმა რამდენიმე საკითხზე კრიტიკული შენიშვნაც გამოთქვეს.

"მათ გამოთქვეს უკმაყოფილება, რომ ისინი უნდა ჩამოსულიყვნენ იმ პერიოდში, როცა კანონი იხილებოდა და არა მას შემდეგ, რაც კანონი მიღებულია და რომ კანონის მიღება ზედმეტად სწრაფად მოხდა. ასევე, აღნიშნეს, რომ რამდენიმე რეკომენდაცია არ იყო გათვალისწინებული, მაგალითად, ის, რომ დახურულია კენჭისყრა, ის, რომ საბჭოს თითოეულ წევრს არ უწევს დაასაბუთოს მისი გადაწყვეტილება და ყველაზე კრიტიკული კომენტარი იყო მითითება, რომ სტრასბურგის სასამართლომ 2019 წელს გამოიტანა გადაწყვეტილება ისლანდიის წინააღმდეგ, სადაც პროცედურული დარღვევების გამო მოსამართლის დანიშვნის პერიოდში, დანიშვნა არალეგიტიმურად იყო ცნობილი და ყველა გადაწყვეტილება, რომელიც ამ მოსამართლეს ჰქონდა მიღებული, იყო ცნობილი არაკანონიერად ანუ, იყო მითითება იმაზე, რომ პატარა პროცედურულმა პრობლემამაც კი შეიძლება კითხვის ნიშნის ქვეშ დასვას დანიშვნა და ყველა გადაწყვეტილება, რომელიც შეიძლება ამ მოსამართლემ გამოიტანოს. ამის გათვალისწინებით, რა თქმა უნდა, საბჭოზე ჩნდება უდიდესი პასუხისმგებლობა, რომ კანონის ზედმიწევნითი დაცვით წარიმართოს გასაუბრების პროცესი",- განაცხადა დოლიძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ