საქართველოს საპატრიარქო ახალგაზრდების თვითრეალიზაციის პრობლემების თემაზე შეხვედრას გამართავს. შეხვედრა 17:00 საათზე, სამების საკათედრო ტაძრის ახალგაზრდულ ცენტრში გაიმართება.
როგორც „ინტერპრესნიუსს“ სამების საკათედრო ტაძრის ახალგაზრდული ცენტრიდან აცნობეს, შეხვედრაზე მიწვეული არიან ეკონომიკის, იუსტიციის, განათლების, ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს, პარლამენტის, სახალხო დამცველის აპარატის, არასამთავრობო ორგანიზაციების და სამოქალაქო საზოგადოების წარმომადგენლები.