სასტუმრო "შერატონ მეტეხი პალასში" პოლიტიკური პარტია ,,ნინო ბურჯანაძე დემოკრატიული მოძრაობის" დელეგატთა რიგგარეშე ყრილობა მიმდინარეობს. ყრილობას დელეგატების გარდა, საქართველოში აკრედიტირებული ელჩები და დიპლომატიური კორპუსის წარმომადგენლები ესწრებიან.
პარტიის ყრილობა საქართველოს ეროვნული ჰიმნით გაიხსნა. დღეს პოლიტიკური პარტიის სახელში ცვლილებას, ახალი თავმჯდომარისა და გენერალური მდივნის არჩევას უყრიან კენჭს. ასევე, პარტიის ემბლემასა და სიმბოლიკას დაამტკიცებენ.