მეტროსადგურ „სადგურის მოედანზე“ რამდენიმე წუთის განმავლობაში შეფერხება იყო

მეტროსადგურ „სადგურის მოედანზე“, დღეს რამდენიმე წუთის განმავლობაში შეფერხება იყო. 9:46 საათზე, ტექნიკური ხარვეზის გამო, მატარებელი მგზავრებისგან დაიცალა. ამის შესახებ „ინტერპრესნიუსს“ თბილისის მეტროპოლიტენში განუცხადეს.

„9:46 საათზე, ტექნიკური ხარვეზის გამო ერთ-ერთი შემადგენლობა საბურთალოს ხაზზე, კონკრეტულად სადგურის მოედანზე მგზავრებისგან დაიცალა. ეს მგზავრები გაყვნენ შემდეგ მატარებელს, რომელიც გავიდა 9:52 საათზე. არანაირი შეფერხება სხვა მიმართულებით და სხვა სადგურებში არ ყოფილა, შეფერხება იყო მხოლოდ და მხოლოდ 6 წუთი, ერთჯერადად.

ჩვენ გვაქვს გაწერილი წესები, სადაც უსაფრთხოების ზომებიდან გამომდინარე, მატარებელი, რომელსაც მცირედი ტექნიკური ხარვეზი აქვს, უნდა დაიცალოს მგზავრებისგან. ეს შემადგენლობა შევიდა ჩიხში და მგზავრები გაყვნენ შემდეგს.

ინსტრუქტორებმა უნდა შეისწავლონ, კონკრეტულად რა ტექნიკური ხარვეზი ჰქონდა შემადგენელს“, - განუცხადეს „ინტერპრესნიუსს“ თბილისის მეტროპოლიტენის პრესსამსახურში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა