საქართველოს საგარეო საქმეთა მინისტრის, დავით ზალკალიანის განცხადებით, მიმდინარეობს მუშაობა, რათა დავით გარეჯში ექსპერტების ვიზიტი როგორც აზერბაიჯანული, ისე ქართული მხარისთვის მისაღებ ვადებში შედგეს. „ინტერპრესნიუსის" კითხვის საპასუხოდ, ზალკალიანმა აღნიშნა, რომ ექსპერტთა ჯგუფი, რომლის ვიზიტიც დაგეგმილია გარეჯში, ის ექპერტები არიან, ვინც ამჟამად ორმხრივი კომისიის შემადგენლობაშიც შედიან.

„კომისია ძალიან მრავალფეროვანია. იქ არიან როგორც სასაზღვროს წარმომადგენლები, ასევე თავდაცვის სამინისტროს წარმომადგენლები, კარტოგრაფები, საგარეო საქმეთა სამინისტროს ექსპერტები. ახლა მიმდინარეობს მუშაობა, რომ ორმხრივად მისაღებ ვადებში, შესაბამის დროს განხორციელდეს ადგილზე ჩასვლა და სიტუაციის შესწავლა. მზაობა გამოთქმულია, ჩვენ ამაზე რა თქმა უნდა ვმუშაობთ და საზოგადოებას ეცოდინება, როდის მოხდება ეს ვიზიტი", - განაცხადა დავით ზალკალიანმა.

იხილეთ ვიდეო