საპარლამენტო დელეგაცია საერთაშორისო რესპუბლიკური ინსტიტუტის (IRI) ხელმძღვანელობას შეხვდა
ვაშინგტონში ვიზიტით მყოფი საქართველოს პარლამენტის დელეგაცია პარლამენტის თავმჯდომარის პირველი მოადგილის, თამარ ჩუგოშვილის ხელმძღვანელობით საერთაშორისო რესპუბლიკური ინსტიტუტის (IRI) ხელმძღვანელობას შეხვდა.
როგორც „ინტერპრესნიუსს“ პარლამენტიდან აცნობეს, შეხვედრაზე საუბარი შეეხო საარჩევნო გარემოს და საარჩევნო კოდექსის ცვლილებებს. ქართველმა დეპუტატებმა საერთაშორისო რესპუბლიკური ინსტიტუტის (IRI) წარმომადგენლებს და შეხვედრაზე მოწვეულ ექსპერტებს ინფორმაცია მიაწოდეს სასამართლო რეფორმის მეოთხე ტალღის მიმდინარეობის შესახებ და უზენასი სასამართლოს მოსამართლეთა არჩევასთან დაკავშირებულ საკითხებზე.
მათივე ინფორმაციით, საქართველოს პარლამენტის დელეგაცია ვაშინგტონში ამერიკის შეერთებული შტატების განვითარების სააგენტოს (USAID) პროგრამების - „დემოკრატიული მმართველობის ინიციატივა“ (GGI) და „კანონის უზენაესობის მხარდაჭერა საქართველოში” (PROLoG) ერთობლივი ინიციატივის ფარგლებში იმყოფება.
„დელეგაციის შემადგენლობაში შედიან პარლამენტის წევრები: თამარ ჩუგოშვილი, ირაკლი კოვზანაძე, აკაკი ზოიძე, კახაბერ კუჭავა, ანრი ოხანაშვილი, ოთარ დანელია, გიორგი კახიანი, ნინო გოგუაძე, მამუკა მდინარაძე, ოთარ კახიძე, თინათინ ბოკუჩავა, ასევე პარლამენტის აპარატის უფროსი გივი მიქანაძე და აპარატის უფროსის მოადგილე დავით გელაშვილი“, - ნათქვამია ინფორმაციაში.
v-if="article.gallery" v-html="article.gallery"
