დიდი ბრიტანეთის მმართველი პარტიის ლიდერის არჩევნები ოფიციალურად დაიწყო

დიდი ბრიტანეთის მმართველი „კონსერვატიული პარტიის“ ლიდერის არჩევნები ოფიციალურად დაიწყო. „ბი-ბი-სის“ ინფორმაციით, რეგისტრირებულია 10 კანდიდატი, რომლებმაც ამ პროცესის დაწყებისთვის საჭირო თემთა პალატის 8 დეპუტატის ხელმოწერა მოაგროვეს. მომხრეები ვერ მოაგროვა სემ ჯიმამ, ერთადერთმა პრეტენდენტმა, რომელიც „ბრექსიტის“ წინააღმდეგ გამოდის.

კანდიდატების გაცხრილვა „კონსერვატიული პარტიის“ თემთა პალატის დეპუტატების მიერ 20 ივნისამდე მოხდება. ბოლო ორი პრეტენდენტიდან ლიდერს პარტიის დაახლოებით 160 ათასი წევრი აირჩევს და ეს პირი ავტომატურად დაიკავებს ბრიტანეთის პრემიერის პოსტს.