მთავრობის კანცელარიის ქვედა მხარეს მყოფი ლგბტ აქციის მონაწილეების მოთხოვნაა, ხელისუფლებამ შეასრულოს ის, რაც მას ევალება და მათი საჯარო შეკრების უფლება უზრუნველოს, ამის თაობაზე კი, ხელისუფლების წარმომადგენლებმა საჯარო განცხადება გააკეთონ.

აქციის მონაწილეთა განცხადებით, ხელისუფლება ლგბტ ადამიანებს არ იცავს და მათი უფლებების დარღვევაზე რეაგირება არ ხდება. მათივე თქმით, ქვეყანაში შეკრებისა და მანიფესტაციების უფლება დაცული უნდა იყოს.

“ხელისუფლების წარმომადგენლები უნდა გამოვიდნენ და თქვან, რომ ყველა ადამიანის სიცოცხლისა და ჯანმრთლეობის უფლება არის დაცული. სულ ეს არის რასაც ვითხოვთ. ადგილი აქვს სისხლის სამართლის დანაშაულს, რაც არის ძალადობრივი გზით საჯარო შეკრების უფლების შელახვა“, - განაცხადა ლგბტ აქციის ერთ-ერთმა მონაწილემ ნინო ბოლქვაძემ.

ლგბტ აქციის მონაწილეები ხელისუფლებისგან ითხოვენ, მათი საჯარო შეკრების უფლება უზრუნველყოს