ლევან ვასაძის განცხადებებთან დაკავშირებით დაწყებული გამოძიების ფარგლებში, თბილისის სამმართველოში კონტრაქციის მონაწილეთა გამოკითხვა მიმდინარეობს

ლევან ვასაძის განცხადებებთან დაკავშირებით დაწყებული გამოძიების ფარგლებში, თბილისის სამმართველოში კონტრაქციის მონაწილეთა გამოკითხვა მიმდინარეობს.

როგორც ჟურნალისტებთან გამოსაკითხი პირების, მერაბ როდონაიასა და ჯაბა მუსელიანის ადვოკატი, დავით ცინცქილაძე აცხადებს, მათ ბრალს ვერ წაუყენებენ, ვინაიდან ხალხს აჯანყების უფლებაც აქვს, თუ სახელმწიფო ვერ უზურველყოფს ეთიკური ნორმების, საზოგადოების უფლების დაცვას.

„მთავარ სამმართველოში მიმდინარეობს გამოძიება სისხლის საქმეზე, რაც უკანონო ფორმირების გაერთიანების შექმნა- ხელმძღვანელობას გულისხმობს, ან ასეთ ჯგუფში მონაწილეობას, რომელიც სასჯელის სახით ითვალისწინებს 6-დან 14-წლამდე თავისუფლების აღკვეთას, მაგრამ მედიის საშუალებით არასწორი ინფორმაცია ვრცელდება, რომ თითქოს, ამ საქმეზე ვიღაცას უნდა წაეყენოს ბრალი. მე პირდაპირ გეტყვით, რომ ამ საქმეზე ვერავისზე ვერ მოხდება ბრალის წარდგენა, გამომდინარე იქიდან, რომ ჩვენ არავითარი ფორმირება არ ვართ, ეს საერთო სახალხო მოძრაობაა. ეს ადამიანები მხოლოდ იმიტომ არიან აქ გაწევრიანებულები, რომ საკუთარი ეროვნული ღირებულებები დაიცვან, ასევე რწმენა და ზნეობა.

ეს კანონდარღვევა არ არის, რადგან ხალხი ძალაუფლების წყაროა, მათ თვითორგანიზაციის უფლება აქვთ. ხალხს აჯანყების უფლებაც აქვს, თუ სახელმწიფო ვერ უზრუნველყოფს ეთიკური ნორმების, საზოგადოების უფლების დაცვას.

იმ შემთხვევაში, თუ ქართული პოლიცია არ უზრუნველყოფს ჯანსაღი, საღად მოაზროვნე საზოგადოების უფლებების და ინტერესების დაცვას, მაშინ ხალხი ვალდებული იქნება თვითონ დაამყაროს ქვეყანაში კანონი. ეს გათვალისწინებულია, როგორც საქართველოს კონსტიტუციით ისევ საერთაშორისო აქტებით", - აცხადებს ცინცქილაძე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი