ისინი პრაიდის ფარგლებში ვერანაირ ღონისძიებას მშვიდად ვერ ჩაატარებენ, - ამის შესახებ ჟურნალისტებს ლევან ვასაძის თანამოაზრემ და ორგანიზაცია "ქართული იდეის" თავმჯდომარემ ლევან ჩაჩუამ განუცხადა.

მისი შეფასებით, პრაიდის ორგანიზატორების მიერ მიღებული გადაწყვეტილება პროვოკაცოული გამოწვევაა, რომელიც მიღებულია. მისივე განცხადებით, პრაიდის წინააღმდეგ გამოიყენებენ ყველა მეთოდს, თუმცა კონკრეტულ მეთოდებზე ჟურნალისტებთან არ საუბრობს.

„ეს არის გამოწვევა და ჩვენ მივიღეთ ეს გამოწვევა. ისინი პრაიდის ფარგლებში ვერანაირ ღონისძიებას მშვიდად ვერ ჩაატარებენ. ყველა მეთოდს გამოვიყენებთ და არ ჩავატარებინებთ. მამათმავლობის პროპაგანდა, საქართველოში ვერ განხორციელდება მშვიდად, რომ ვიღაც ნაძირლებმა ამით იშოვონ ფული. პოლიციის კორდონი არ გაირღვევა, ისე არ ჩავატარებინებთ!"- განაცხადა ლევან ჩაჩუამ.