დავით ბაქრაძე -  პასუხისმგებლობა არ არის ბოდიშის მოხდა, ირაკლი კობახიძე პოლიტიკურადაა პასუხისმგებელი

პასუხისმგებლობა არ არის ბოდიშის მოხდა, ირაკლი კობახიძე პოლიტიკურადაა პასუხისმგებელი, - ამის შესახებ „ევროპული საქართველოს“ ერთ-ერთმა ლიდერმა, დავით ბაქრაძემ განაცხადა.

“აქამდე უბრალოდ დაცინვის თემა იყო, რომ “ოცნების” დეპუტატებს მწვანე და წითელი ღილაკები ერევათ, „ოცნების“ თანამდებობის პირებს გასაკეთებელი და გაუკეთებელი ხიდები ერევათ და აფეთქებენ, ღრმაწყლოვანი პორტები ერევათ და ანაკლიის მაგივრად ფოთს თხრიან, მაგრამ დღეს რაც მოხდა, ეს ჩვენი სახელმწიფოებრიობის პირდაპირი შეურაცხყოფა იყო და პასუხისმგებლობა ბოდიშის მოხდა არ არის. პასუხისმგებლობას გავყოფდი ორ ნაწილად, პირველი ეკისრება ირაკლი კობახიძეს, როგორც პარლამენტის თავმჯდომარეს, ის პოლიტიკურადაა ამაზე პასუხისმგებელი, ამიტომ მოვითხოვეთ მისი გადადგომა და რადგანაც გუნდი უარს აცხადებს ამაზე, დავიწყებთ იმპიჩმენტის პროცესს. მაგრამ სრულიად აღმაშფოთებელი იყო, რაც ვიხილეთ, რომ „ოცნების“ პოლიტიკური ლიდერები გამოდიოდნენ და მიამიტურად, გაოგნებული სახეებით იძახდნენ, რა საშინელება მოხდა, დავითრგუნე, გავნადგურდიო, გეგონება, გავრილოვი პარაშუტით გადმოსვა ვიღაცამ. „ქართული ოცნების“ პოლიტიკამ მიგვიყვანა აქამდე, რომ გავრილოვი დღეს ამ სავარძელზე აღმოჩნდა”, - აღნიშნა ბაქრაძემ.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში