რუსთაველზე 6 ივლისს კიდევ ერთი „თავისუფლების მარში“ გაიმართება
6 ივლისს, რუსთაველზე კიდევ ერთი „თავისუფლების მარში“ გაიმართება. ამის შესახებ „ინტერპრესნიუსს“ აქციების ერთ-ერთმა ორგანიზატორმა გიგა მაქარაშვილმა განუცხადა.
როგორც მან აღნიშნა, შაბათს დაგეგმილ მარშზე, „ძალიან ბევრ ადამიანს ელოდებიან, მათ შორის რეგიონებიდანაც“.
„შაბათს იქნება „თავისუფლების მარში“. შემოგვიერთდებიან რეგიონებიდანაც ადამიანები. ველოდებით საკმაოდ ბევრ ადამიანს, რომ მიიღებენ მონაწილეობას აქციაში. ორშაბათიდან კი დაიწყება სალონური შეკრებების მსგავსი ღონისძიებები. მოხდება ფილმის ჩვენებები, საუბრები. არა აქციის რეჟიმში, თუმცა იგივე ლოკაციაზე. პარლამენტთან მუდმივად გვექნება შეკრება“, - აღნიშნა გიგა მაქარაშვილმა.
რაც შეეხება პოლიტიკოსების ჩართვას საპროტესტო აქციებში და მათ ორგანიზებაში, როგორც მაქარაშვილი ამბობს, ამ მხრივ არანაირი ცვლილება არ მოხდება და ყოველდღიურად უფრო ნაკლები პოლიტიკოსი ჩნდება აქციაზე.
