ახალგაზრდების საინიციატივო ჯგუფი ერთმა სტუდენტმა დატოვა

ახალგაზრდების საინიციატივო ჯგუფი ერთმა სტუდენტმა დატოვა. ამის შესახებ „ინტერპრესნიუსს“ საინიციატივო ჯგუფის ყოფილმა წევრმა ირაკლი ჩიგოგიძემ განუცხადა.

„ერთ-ერთი მთავარი მიზეზი რის გამოც აღნიშნული ჯგუფი დავტოვე არის ის, რომ წინა პლანზე აღარ არის წამოწეული მთავარი რამ, რის გამოც ჩვენ გავერთიანდით-რუსული ოკუპაციისა და კიდევ სხვა პრობლემების გაპროტესტება, რაც ქვეყანაშია. დამრჩა შთაბეჭდილება, რომ მთავარი მიზნებიდან ჯგუფის წევრების აქცენტის გადატანა პრემიერ-მინისტრის შემოთავაზებაზე - ახალგაზრდულ მრჩეველთა საბჭოს შექმნის თაობაზე მოხდა. მე ნამდვილად არ მსურს მსგავს დიალოგში მონაწილეობის მიღება თუ ქვეყნის მთავარი პრობლემა არ იქნება გაჟღერებული“, -განაცხადა ახალგაზრდების საინიციატივო ჯგუფის ყოფილმა წევრმა ირაკლი ჩიგოგიძემ.

შეგახსენებთ, რომ ახალგაზრდების საინიციატივო ჯგუფმა განცხადება გაავრცელა.

„მივესალმებით პრემიერ-მინისტრის მზაობას, დაიწყოს დიალოგი ახალგაზრდებთან. მხოლოდ დესტრუქციული ძალების ინტერესებშია, არ შედგეს ფორმატი, რომელიც მისცემს ყველა დაინტერესებულ ახალგაზრდას შესაძლებლობას ჩაერთოს სახელმწიფოს მართვის პროცესში, - ნათქვამია ახალგაზრდების საინიციატივო ჯგუფის განცხადებაში.

როგორც განცხადებაშია ნათქვამი, მას შემდეგ, რაც მათ „ქართული ოცნების“ თავმჯდომარეს, ბიძინა ივანიშვილს ღია წერილით მიმართეს, ახალგაზრდების მიმართ გაჩნდა არაერთი უსაფუძვლო ბრალდება და ცილისწამება და კონკრეტული ძალები ცდილობენ საზოგადოების შეცდომაში შეყვანასა და ხელოვნურად დაპირისპირების შექმნას ახალგაზრდებს შორის. წერილის ავტორების მტკიცებით, ღია წერილის შექმნის ერთადერთი მოტივაცია, არსებული დაძაბული სიტუაციის ფონზე, ქვეყანაში გრძელვადიანი სტაბილურობის ხელშეწყობა იყო.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება