გრიგოლ ვაშაძე - ახლა ამტკიცებენ, რომ სახელმწიფო გადატრიალების მცდელობა იყო, ამაზე სამარცხვინო ტყუილს ვერავინ მოიგონებდა

„ნაციონალური მოძრაობის" ლიდერის გრიგოლ ვაშაძის განცხადებით, ვიდრე შს მინისტრი გიორგი გახარია პოსტს არ დატოვებს, მანამდე საპროტესტო აქციები არ შეწყდება. როგორც "ინტერპრესნიუსს" გრიგოლ ვაშაძემ პარლამენტთან განუცხადა, მოქალაქეებს, რომლებიც "თავისუფლების მარშს" გამართავენ ბიძინა ივანიშვილის სახლამდე, სამართლიანი მოთხოვნა აქვთ და ის უნდა დაკმაყოფილდეს.

"აქ არ არიან მარტო "ნაციონალური მოძრაობის" წევრები, აქ, არიან საქართველოს მოქალაქეები, რომლებსაც ეკუთვნის ეს ხელისუფლებაც და ეს სახელმწიფოც, რადგან ხელისუფლების წყარო არის მხოლოდ საქართველოს მოქალაქე. ხელისუფლების სხვა წყარო არ არსებობს. არ დაიღლება ეს მოქალაქე, არ დაიღლება ვიდრე მისი კანონიერი მოთხოვნა არ შესრულდება. ორი მოთხოვნა შესრულდა?! დიდი მადლობა, ბატონებო, ვინმე კობახიძე გადადგა?! მადლობა. მივაღწიეთ პროპორციულ არჩევნებს?! მადლობა, მაგრამ სანამ გახარია არ წავა, ვინც ბავშვები გაწირა, ეს ყველაფერი გაგრძელდება. ახლა ამტკიცებს, რომ სახელმწიფო გადატრიალების მცდელობა იყო, ამაზე სამარცხვინო ტყუილს ვერავინ მოიგონებდა. ეს არის საქართველოს მოქალაქის გაღვიძება, როცა საქართველოს მოქალაქემ შეიგნო მთავარი ჭეშმარიტება - ის არის ამ ქვეყნის სრულფასოვანი ბატონ-პატრონი. ყველა დანარჩენი არის დაქირავებული მსახური",- განაცხადა გრიგოლ ვაშაძემ.

„თავისუფლების მარშს", რომელიც რუსთაველის გამზირიდან ბიძინა ივანიშვილის სახლის მიმართულებით გაიმართება, პარტიები "ევროპული საქართველო" და "ნაციონალური მოძრაობა" უერთდებიან.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს