სერგი კაპანაძე - ხელისუფლებას, როგორც ჩანს, თავის თავში გადალახული აქვს წითელი ხაზი და აპირებს შეტევა გააგრძელოს „რუსთავი 2“-ზე

ხელისუფლებას, როგორც ჩანს, თავის თავში გადალახული აქვს წითელი ხაზი და აპირებს შეტევა გააგრძელოს „რუსთავი 2“-ზე და ზოგადად, დამოუკიდებელ მედიაზე, - ასე აფასებს „ევროპული საქართველოს" წევრი სერგი კაპანაძე "რუსთავი 2"-ის მიმართ გუშინ გაკეთებულ განცხადებებს.

როგორც კაპანაძემ ჟურნალისტებს განუცხადა, ხელისუფლების მხრიდან ამ ფორმით რეაგირება ყველაზე უფრო შემაშფოთებელი იყო.

„განცხადება თავისი ფორმით სრულიად მიუღებელი იყო, მაგრამ ეს რომ მიუღებელი იყო მას შემდეგ სრულიად ამოიწურა, რაც არხმა ბოდიში მოიხადა და კონკრეტული შეფასებები გაკეთდა. ეს არის დამოუკიდებელი ტელეარხის სარედაქციო პოლიტიკა, რაც ვიღაცისთვის შეიძლება მიუღებელი იყოს. თუმცა, ამაზე არსებობს მარტივი პასუხი, არ უნდა უყურო იმ გადაცემას, რომელიც არ მოგწონს. რაც შეეხება რეაგირებას ხელისუფლების მხრიდან, ეს იყო ყველაზე უფრო შემაშფოთებელი. ასე მოკლე დროში ყველა სახელმწიფო უწყების რეაგირება, მათ შორის, პრეზიდენტის, პრემიერის, თბილისის მერის, ასევე საგარეო საქმეთა სამინისტროს სრულიად აბსურდული განცხადება ეს იყო პირდაპირ შეტევა არხის სარედაქციო პოლიტიკაზე. არ შეიძლება სახელმწიფომ ეს ზღვარი გადალახოს და ჩაერიოს კერძო კომპანიის სარედაქციო პოლიტიკაში. ის მუქარები, რომ ეს ასე არ უნდა დარჩეს და რაღაც უნდა შეიცვალოს, ისევე როგორც საგარეო საქმეთა სამინისტროს განცხადება, რომ საერთაშორისო საზოგადოებამ შეაფასოს ჟურნალისტის ქმედება, არის სრულიად გაუგებარი. ეს მარტივად მეტყველებს ერთ რამეზე, ხელისუფლებას როგორც ჩანს, თავის თავში გადალახული აქვს წითელი ხაზი და აპირებს შტევა გააგრძელოს „რუსთავი 2“-ზე და ზოგადად, დამოუკიდებელ მედიაზე. ამას საზოგადოება აუცილებლად წინ უნდა აღუდგეს",- განაცხადა კაპანაძემ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“