არქიმანდრიტი კირიონი - დავით გარეჯში საქმე წინ არ მიდის და რეალობა არა თუ სასიკეთოდ იცვლება, არამედ მძიმდება

თუ ასე განავითარეს ურთიერთობები, ბოლოს აზერბაიჯანი, ეს ჩვენი კეთილი მეზობელი და მეგობარი ქვეყანა გადაიქცევა კლასიკურ ოკუპანტად, - ამის შესახებ „ინტერპრესნიუსს“ დავით გარეჯის მამათა მონასტრის არქიმანდრიტმა, კირიონმა (ონიანი) განუცხადა.

სასულიერო პირის განცხადებით, მონასტრის ტერიტორიაზე სიტუაცია მძიმეა. მისივე თქმით, მონასტერში შესვლის უფლება არც მესაზღვრეებს აქვთ, არც ტურისტებს და არც თვითონ სასულიერო პირებს.

„სტაბილური მდგომარეობა არანაირად არ არის, ჩამორთმეული გვაქვს მონასტერში შესვლის უფლება. ჩვენ ვერაფერს ვაკეთებთ, მე არც სახელმწიფო ვარ და არც ძალოვანი სტრუქტურები მექვემდებარებიან, რომ ავიდე და დავიკავო მონასტერი, რომელიც აბსოლუტურად ჩვენია. თუ ასე განავითარეს ურთიერთობები, ბოლოს, სამწუხაროდ, ეს ჩვენი კეთილი მეზობელი და მეგობარი ქვეყანა გადაიქცევა კლასიკურ ოკუპანტად. ამას თუ ვერ აფიქსირებენ ან აზერბაიჯანის ან ჩვენს მხარეს, ძალიან ცუდ შედეგებს გამოიღებს სახელმწიფოებრივ და ერებს შორის ურთიერთობაში. ჩვენს მესაზღვრეებსაც კი არ შეუძლიათ მონასტერში შესვლა, არა თუ მამაოს, მომლოცველს ან ტურისტს“,- განაცხადა არქიმანდრიტმა.

მისი თქმით, სახელმწიფოს მხრიდან სიტუაციის გასაუმჯობესებლად ქმედითი ნაბიჯები არ გადადგმულა.

„თუ სახელმწიფოს დავუჯერებთ და მოვუსმენთ, დღე და ღამე მუხლჩაუხრელად შრომობენ და საჭმელს არ ჭამენ, ფაქტობრივად, წელებზე ფეხს იდგამენ, მაგრამ საქმეს არაფერი ეტყობა. სიტყვა ერთია, რომ ხალხი დაამშვიდონ თავიანთი კონკრეტული კომენტარებით და საბოლოო ჯამში ფაქტი ისაა, რომ საქმე წინ არ მიდის და რეალობა არა თუ სასიკეთოდ იცვლება, არამედ მძიმდება,“ - განაცხადა არქიმანდრიტმა კირიონმა.

იხილეთ ვიდეო: არქიმანდრიტი კირიონი - დავით გარეჯში რეალობა არა თუ სასიკეთოდ იცვლება, არამედ მძიმდება

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"