ეკა გიგაური - მნიშვნელოვანია, „რუსთავი 2“-ის ჟურნალისტებმა საზოგადოებას გააცნონ ყველა ის საფრთხე, რომელსაც ისინი თვლიან, რომ არსებობს

მნიშვნელოვანია, ჟურნალისტებმა საზოგადოებას გააცნონ ყველა ის საფრთხე, რომელსაც ისინი თვლიან, რომ არსებობს, - ამის შესახებ „საერთაშორისო გამჭვირვალობა-საქართველოს" ხელმძღვანელმა ეკა გიგაურმა არასამთავრობო სექტორის, დიპლომატიური კორპუსისა და „რუსთავი 2“- ის საინფორმაციო ჯგუფის წარმომადგენლების შეხვედრის შემდეგ განაცხადა.

როგორ გიგაურმა განაცხადა, განვითარებული მოვლენები „რუსთავი 2“-ის ჟურნალისტების მხრიდან აღქმული იყო როგორც სარედაქციო პოლიტიკაში ჩარევის მცდელობა.

"მნიშვნელოვანია ჟურნალისტებმა გაგვაცნონ ინფორმაცია იმასთან დაკავშირებით თუ რა ხდება თვითონ არხზე და ზოგადად როგორ აღიქვამენ ისინი ახალი მფლობელის განცხადებას. ცხადია, მათთვის ეს აღქმული იყო როგორც სარედაქციო პოლიტიკაში ჩარევის მცდელობა იმის გათვალისწინებით, რომ ახალმა მფლობელმა უარი თქვა იმ საბჭოს შექმნაზე, რომლის მიზანიც ზუსტად ის იყო, რომ ერთი მხრივ, დაეცვა ჟურნალისტების უფლებები და მეორე მხრივ, კრიტიკული სარედაქციო პოლიტიკა შეენარჩუნებინა.

ჩვენ რაც ვუთხარით, არის ის, რომ ძალიან მნიშვნელოვანია მათ გააცნონ საზოგადოებას ყველა ის საფრთხე, რომელსაც ისინი თვლიან, რომ არსებობს და მომავალშიც თუკი მათი უფლებები იქნება დარღვეული მოგვაწოდონ ჩვენ ინფორმაცია", - აღნიშნა ეკა გიგაურმა.

არასამთავრობო სექტორის, დიპლომატიური კორპუსისა და „რუსთავი 2“- ის საინფორმაციო ჯგუფის წარმომადგენლების შეხვედრა სამაუწყებლო კომპანია ”რუსთავი 2“ -ში შედგა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს