პაკისტანში ხიდის ჩანგრევას 24 ადამიანი ემსხვერპლა
პაკისტანში ხიდის ჩანგრევისას მდინარეში ავტობუსი ჩავარდა, რომელშიც 24 ადამიანი იმყოფებოდა. ისინი ერთი ოჯახის წევრები იყვნენ და ქორწილიდან სახლში ბრუნდებოდნენ. ავტობუსში მყოფი ყველა ადამიანი დაიღუპა. ამის შესახებ ოლქ ზემო კოხისტანის სამოქალაქო თავდაცვის სამსახურის უფროსმა ახსანულ ჰაკმა განაცხადა.
პოლიცია და ადგილობრივი მცხოვრებლები დაღუპულთა ცხედრებს ეძებენ.
ამ ინფორმაციას გამოცემა „Dawn“-ზე დაყრდნობით „რია ნოვოსტი“ ავრცელებს.
