აკაკი ბობოხიძე - იმედია, ეს არის ბოლო ცვლილება, რომელსაც ივანიშვილი შესთავაზებს ქართველ ხალხს - გახარია ხიფათის მატარებელია ქვეყნისთვის

იმედია, ეს არის ბოლო ცვლილება, რომელსაც ივანიშვილი შესთავაზებს ქართველ ხალხს - გახარია ხიფათის მატარებელია ქვეყნისთვის, - ამის შესახებ „ევროპული საქართველოს“ წევრმა აკაკი ბობოხიძემ სამთავრობო ცვლილებებთან დაკავშირებით განაცხადა.

მისი თქმით, ახლა მთავარია ზედმეტი რყევების გარეშე მივიდეს ქვეყანა 2020 არჩევნებამდე.

„იმედი მაქვს, რომ ეს არის ბოლო ცვლილება, რომელსაც ივანიშვილი შესთავაზებს ქართველ ხალხს და 2020 წელს მის მმართველობას თავის გახარიებიან, ღარიბაშვილებიანად დაასრულებს საქართველოს მოსახლეობა. ჩვენი სამოქმედო გეგმაა რამენაირად საქართველო ზედმეტი რყევების გარეშე მივიყვანოთ არჩევნებამდე , რომ მოხდეს მშვიდობიანი ჩამოშორება ივანიშვილის ხელისუფლებისგან. გახარიასთან ერთად ყოფნა არის ბომბი არამარტო ივანიშვილისთვის, არამედ სრულიად საქართველოსთვის. ეს არის კაცი, რომელიც თავის თავში თვითონ არის ხიფათის მატარებელი და მისი ნებისმიერი ნაბიჯი შეიძლება გახდეს სერიოზული მღელვარების დეტონატორი საქართველოში",- განაცხადა ბობოხიძემ.

შეგახსენებთ, „ქართულმა ოცნებამ“ პრემიერ-მინისტრის პოსტზე შს მინისტრი გიორგი გახარია წარადგინა. შინაგან საქმეთა მინისტრის პოსტს ვახტანგ გომელაური, თავდაცვის მინისტრის თანამდებობას კი ირაკლი ღარიბაშვილი დაიკავებს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)